最近广州全城都喺度

偶遇阿Moon刘佩玥

原来佢趁住新剧杀青空档

嚟广州city walk、周围打卡

嚟到广州

佢一定就唔会错过

我哋班马国际中心花园嘅

可乐生活融媒体直播间啦

为咗迎接可可爱爱嘅

靓靓阿Moon

Color手作坊准备好晒架罉

谂住带佢挑战下刺绣啦

Color君准备嘅刺绣图案

就係阿Moon中意嘅布甸狗

难怪佢一开拍就超兴奋

平时有玩开穿珠仔手工嘅佢

原来都係第一次攞起“绣花针”

～呐～

呢一款冷线戳戳绣

就冇传统刺绣咁精细嘅

唔需要特别嘅针法或者工具

就係用戳针将冷线刺入绣布

看似“有手就识”

其实主要需要耐心

喺可乐君·牛牛嘅指导下

叻叻Moon好快就上手啦

穿线、戳绣、收尾

成套动作行云流水

唔讲仲以为佢係专业手艺人添

喺冷线戳针一起一伏间

Moon开始越来越放松

将各种各样嘅“小秘密”爆晒出嚟

出道10年

佢最勇敢嘅决定

就係当年参选港姐

因为想试下挑战自己

而喺呢个行业工作咁耐

佢最大的成长就係

自己对事嘅心态

佢仲特别提到

喺拍《隐形战队》嘅时候

自己因为NG太多而崩溃嘅经历

话说嗰个镜头

就需要佢好chok咁开枪救人嘅

但因为现场使用嘅都係真枪

每下开枪都会劲大声&震撼

所以佢成日本能咁眨眼

镜头就唔OK、需要重拍

因为嬲自己一直出状况

又觉得阻到大家嘅拍摄进度

Moon一度崩溃需要离场休息

佢就不停同自己讲最需要嘅係冷静

最后理顺翻个状态

完美咁完成咗成个拍摄

讲到呢一part嘅时候

原本玩戳戳绣玩得好开心嘅佢

突然眼泛泪光几乎啜泣

睇嚟嗰次经历

对Moon嚟讲真係好难忘

佢仲讲到之前大热嘅

《美丽战场》

佢饰演泼辣嘅李静儿

搭档霸气又鬼马嘅阿Bob

大家平时见到阿Bob中意搞搞震

但其实佢正式工作嘅时候

就会劲认真

阿Moon话同佢搭档

真係可以学到好多嘢

演过甜到漏嘅“啤啤”

又试过曳曳猪嘅“尤丽”

Moon话无论演咩角色

佢都会加啲自己嘅“成份”落去

令到呢个人物同自己嘅感觉更接近

观众嘅代入感就可以更强

《降魔的2》“啤啤”↓↓↓

↑↑↑《逆天奇案》“尤丽”

样靓声甜嘅佢

原来几中意挑战反派嘅形象

喺啱啱杀青嘅《逆天奇案2》里面

佢会以全新嘅角色出现

继续同张颖康有好多对手戏哦

大家真係可以期待一下啦

欢声笑语中

Moon同可乐君·牛牛嘅

冷线戳戳绣就完成咗啦

大家觉得边个嘅手势好啲咧

来源：可乐生活Color微信公众号

编辑：张子殷

审核：曾敏妍

签发：骆苹