可乐生活融媒体直播间

新开冇耐嘅栏目

Color厨房

已经成为大湾区新晋

hit爆打卡环节

前两日歌手黄妍CathWong

就嚟咗我哋嘅厨房

话想感受一下

一边捻面粉一边倾心事嘅乐趣

原来对于Cath嚟讲

面粉係一样佢驯服唔到嘅嘢

粉末飞溅、要洗要清理

样样都令佢觉得好头痛

讲到落厨

Cath话自己更多会做卤肉

呢一类咸味嘅菜色

自己曾经都有试过制作西式嘅白汁

但就因为过度自信冇跟食谱

最终成品变成

让人生无可恋的暗黑料理

一边倾计

Cath就慢慢表现出

自己同面团嘅“爱恨情仇”

原本冇错嘅面粉

唔知点解同佢嘅手套融为一体

难分难解十分“黐”缠

好彩可乐君有十足经验

帮佢“救”翻嚿面团

《世界以痛吻我而我歌唱》

《我心中尚未崩坏的部分》

《哀伤的作者》等等曲目

斋睇个歌名觉得悲情伤感

但黄妍话自己创作嘅时候

中意留下一扇“窗口”

看似苦情嘅作品

其实会有励志向上嘅情绪

总会为听者带去希望的感觉

《广州有雨》係佢上个月推出的新歌

Cath话自己好中意落雨嘅氛围感

所以听到呢首歌嘅时候就非常有feel

有趣的是

中意落雨嘅佢偏偏好怕水

因为有童年阴影~

为此佢特意用面对恐惧、

征服恐惧嘅概念

用“水”做主题嚟做show

劝诫大家勇敢一啲

讲起记忆中嘅味道

Cath话好喜欢妈咪煮嘅鸡酒

因为加咗黑糖

甜得嚟好养生噶

而佢创作时必备嘅饮品

会用浅烘焙咖啡豆手冲咖啡

口味偏酸

可以令自己一日神清气爽

Cath好中意睇烹饪节目

嚟打发时间

睇嚟味道都真係佢

生活中嘅好朋友啦

//////////

同自己嘅爱宠一起练声

与爱自己的粉丝相约打卡

一齐赏月应节

都係Cath日常嘅小确幸

外表文静、作品文艺嘅佢

私底下其实爱癫贪玩

可以放肆大笑、搞怪活泼

喺嘻嘻哈哈中

Color厨房嘅面团经过

千揉百搓、万般修剪

并冇按预想嘅方向发展

但最终成品造型都几惊喜哦

最近Cath为电影《白日之下》

演唱咗主题曲

呢次係佢首次为电影献声

相信都一定会好似

佢手中嘅面团咁

令人惊喜

来源：可乐生活Color微信公众号

编辑：张子殷

审核：曾敏妍

签发：骆苹