《夺命提示》进入结局篇

剧情越来越紧张

反转亦越来越多

唔知大家有冇追住睇咧

前两日就係剧组

最后一次线下宣传活动

刘佩玥、刘颖镟、郭柏妍

三位大女主

特意穿上婚纱现身

暗示剧情有几咁精彩

男主角们亦好配合咁

穿上靓仔西装企旁边

现场好似举行集体婚礼咁sweet

为咗衬翻现场嘅气氛

贴合翻自己嘅角色定位

喺剧中饰演“罗蕊蕊”嘅区明妙

都特意穿上白色连衣裙嚟撑场

连衣裙简洁斯文

衬衫款特别清纯可人

加上佢本身少女感满泻

学生妹造型嘅味道十足

▓▓▓▓▓▓▓▓▓▓▓░░░░努力加载中……

熟悉区明妙嘅人应该知道

佢係TVB嘅“御用学生妹”

因为细细粒又童颜

好有未成年学生feel

喺今次《夺命提示》里面

佢饰演已故警员嘅遗孤

同刘佩玥&陈山聪

有比较多嘅对手戏

呢个角色有个性

同时比较任性

有个做明星嘅梦想

但遇着个凡事紧张、

诸多顾忌嘅监护人

喺剧中

佢带住刘佩玥&陈山聪

一起跳女团舞嘅剧情

堪称全剧嘅名场面

佢仲同陈山聪所演角色

有过一段被人误会嘅“不伦恋”

两人贴身合影嘅镜头

受到一众网友关注

连山聪都表示

佢同区明妙嘅合照

係《夺命》宣传至今

获网友最多like嘅Pose

其实喺《黑色月光》中

区明妙已经客串参演

饰演“曦晨”的少女版

（成人版是黄翠如饰演嘅）

虽然镜头唔多

但俘虏咗好多观众的心

佢面圆圆、笑容够明媚

真係好多宅男嘅梦中情人

所以除咗做演员拍剧

区明妙仲有影靓相出写真

JK短裙仔、青涩吊带背心

纯情小白裙、单眼微微笑

所有元素都完美狙击宅男心

睇得出佢好明白自己嘅优点

识牢牢抓住观众粉丝嘅心

区明妙话时不时

都有人DM（私信）佢

话对佢嗒糖、想约佢出街

甚至有人想包起佢

直接问价钱

不过佢明白自己嘅底线

话唔会特别关注呢类留言

但非常感谢大家咁中意佢

区明妙曾经谂过

出国做女团练习生

但因为突如其来嘅家庭变故

佢放弃咗出国嘅念头

毅然决定留港陪住妈咪

区明妙少女味爆棚

同时事业心都好重啵

听讲佢参演嘅剧集

仲有几部在待播

大家可以期待下啦

资料来源：小红书、微博、剧照等

网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼