黄浩然近期频频开工

错略算都有好几部存货

现播嘅《叠影狙击》

有份成为TVB台庆剧

佢都有份参演嘎

最近几部戏

佢就忙于游走于

几pair“情侣”之间

做“电灯胆”啵

喺《叠影狙击》中

佢“插足”黄宗泽和周秀娜

三人剧里剧外都打得火热

黄浩然接受采访时

大赞娜姐一人分饰两角

又心疼娜姐搞到周身伤

温柔作风够嗮绅士

喺剧中佢饰演嘅涂文诺

系个多金总裁、狂追娜姐

又送项链又豪掷千金

最紧要对娜姐特别温柔

连钟意Bosco嘅网友

都直言要反水

三人直播宣传剧集

点知又变成“修罗场”

两位男士被角色附身

对娜姐大讲肉麻情话

一个诈娇安慰叫“宝贝”

一个霸气关心揾“凶手”

笑到娜姐眼泪直飙

如果系你嘅话会拣边位？

//////

后来，黄浩然又得到机会

可以同娜姐再次合作啵

讲嘅係佢哋嘅新电影《尾随》

9月已经喺大马开机啦

但呢次佢哋就冇太多对手戏

周秀娜会同古天乐演夫妻

黄浩然就挑战演搞怪古惑仔

虽然冇得同娜姐拖手仔

不过就可以

对老板古天乐喐手喐脚

喺大马

黄浩然演戏时专心发挥

休息时就去四围叹美食

Po相晒出大大碗海鲜咖喱面

日子过得有滋有味

虽然玩得嗨

但佢心心念念另一pair

林峯和佘诗曼

早前佢哋都喺大马

拍《家族荣耀之继承者》

据黄浩然透露

喺剧中佘诗曼会饰演佢

“对手嘅女朋友”

咁讲嘅话，佢应该又係做

有情感冇结果嘅男二号

啱杀青冇几日

黄浩然就难忍相思之情

大晒合照“求关注”

仲话要同佢哋绝交

引得阿佘来撒娇

叫佢“一定要掛住佢哋”

//////

拍剧之余耍花枪

都係为咗宣传啫

大家都知黄浩然嘅“最爱”

係老婆莫家嘉

中秋夜佢晒出同老婆仔

手拖手追月嘅靓相

两人睇落十足热恋嘅后生仔

莫家嘉早前上节目《煮东煮西》

老拍档黄翠如就讲起

黄浩然係“爱妻号”嘅种种证据

话浩然手机号係“高级秘密”

唔会轻易俾女艺人

睇来有联系嘅都係老友记啦

而佢喺大马拍戏

老婆好似一直有陪住

晒相都有晒出“太太视角”

一唔觉意就会俾闪到啦！

黄浩然都休息咗一排啦

直到近排先出来密密接戏

未来会成日喺剧集见到佢

大家中唔中意睇佢演戏呢？

来源：可乐生活Color微信公众号

编辑：张子殷

审核：曾敏妍

签发：骆苹