前TVB女星唐诗咏

几年前约满离巢后

到处做义工、出埠学习

花咗啲时间调理心身

状态越来越好

喺旧年年底

佢如愿用自己所学嘅技能

开咗一间面包店

升呢做老板娘

店铺啱开时门庭若市

街坊们都慕名而来

门店出现一包难求嘅现象

老板娘无奈推出限购条件

费事排得太后嘅朋友空手而回

而喺包店开业初期

好多艺人、明星都俾足面

去现场撑好友诗咏

陈凯琳拍片帮佢宣传

黄翠如顶住大肚去试面包

陈山聪就带埋仔仔Jaco去打卡

连曾志伟都现身为诗咏打call

“宣传”阵容可以话超墟撼

好多客人除咗为包而去

更係为咗见靓靓嘅老板娘

诗咏亦尽量亲民

对热情嘅街坊笑面相对

前段时间

有人影到诗咏拎住大包细包

出入半山豪宅区

大家都以为佢生意做到风生水起

几个月就成功升呢

住入月租过十万嘅豪宅

同李嘉欣、梁朝伟等做邻居

//////////

“树大招风”係永恒不变嘅定律

诗咏嘅面包店火爆之后

各种问题就随之而来

有网友见到

凡事亲力亲为嘅诗咏

搬完招牌之后

冇换手套就接触面包

质疑佢铺头嘅卫生情况

有人觉得佢定价太高

普通size嘅面包卖30蚊港纸

卖嘅係“明星光环”、唔多值得

特登去面包店

想偶遇唐诗咏嘅网友

发现诗咏好少落铺头

大部分时间係交俾啲店员打理

后来仲有顾客

投诉员工态度唔好

网友最近再去面包店

发现已经冇人排长龙

店内面包有大量存货

睇落面包店嘅热潮已退

仲有网友担心

面包铺会唔会执笠

喺一个健康跑活动上

“老板娘”现身回应

称依家店内存货充足

係因为佢哋加大咗产量

希望大家可以错峰光临

避免花过多时间排队

虽然客流看似减少

但佢非常感恩每日货品可以沽清

面包制作嘅原料成本几高

诗咏话佢哋嘅定价已经好实惠

对于赚大钱、住豪宅嘅传言

佢回应话纯粹就係误会

自己just上半山豪宅区揾朋友

面包店目前仲未回本

一切都仲需要时间

之前有网友思疑

诗咏辛苦出演舞台剧

係因为佢间面包店撑唔住

唐诗咏澄清话

开面包店只係自己嘅副业

佢会重回演艺圈

最近佢未有新嘅影视作品

会先投身演出舞台剧

发现演舞台剧好费力

庆幸自己有跑步锻炼

所以体力上捱得住

Well~

诗咏冇离开演艺圈

佢演嘅舞台剧

你会唔会去支持咧？

资料来源：微博、小红书、剧照等

网络信息综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼