洪永城新剧艳福不浅

喺《香港人在北京》中

饰演二哥阿喱

对吴业坤“喐手喐脚”

又搭档傅嘉莉和陈星妤

同两位女神谈三角恋

剧中

傅嘉莉Kelly饰演Funny

样貌大变扮成“男人婆”

同《一舞倾城》嘅look判若两人

网友都话争啲认唔出

“傅嘉莉”已经唔系

第一次追“洪永城”了

早前《我瞒结婚了》

就已经有女追男桥段

呢次佢作为阿喱嘅“小跟班”

由中学开始陪伴佢

大学毕业后又跟住佢做嘢

自己花钱搞工作室拍视频

仲俾呼来还去都任劳任怨

不过阿喱就将佢当兄弟

以为二人关系係“纯友谊”

（你以为係洪永城同黄翠如？）

直到佢喺监控食到自己瓜

见到Funny偷偷锡咗佢一啖

佢先大梦初醒

知道Funny暗恋佢

吓到阿喱跑咗去北京

点知居然又有新艳遇

识咗陈星妤饰演嘅淼淼

淼淼作为时尚达人

剧中人设係清纯靓女

两人喺火锅店

因观点不合结下仇

之后每次见面

两人都恶语相向

久而久之就变成欢喜冤家

不过，阿喱仲未知

自己最钟意嘅“红唇博主”

其实就係淼淼嘅嘴

唔知之后揭下“网络面具”

两人会有乜反应呢？

//////

剧中面对两个美女

洪永城就傻傻哋咁未搞清关系

近日宣传活动

趁住脱离角色

两位女仔就“不留情面”

纷纷爆洪永城“大镬”

Kelly话：

之后Funny追阿喱但狂食柠檬

仲透露两人有

“女上男下仲见红”嘅激烈床戏

但宣传活动时

大家玩游戏抢权杖

洪永城竟俾Kelly一掌推跌

自爆俾工人姐姐话“孱弱”

Kelly借机当众嘲笑佢

“可能她想话你亏”

搞到全场哭笑不得

庆功宴上

陈星妤又爆

佢同洪永城关系係“忘年恋”

因为洪永城话自己似学生妹

而且两人仲“做咗6个钟

唔应该做嘅嘢”

其他演员都纷纷起哄

遮遮掩掩下陈星妤先讲出

原来係佢哋嘅亲密吻戏

喺氛围浪漫下拍足/锡足6、7个钟

面对陈星妤嘅“爆料”

吓到洪永城马上紧张求放过

叫陈星妤“讲剧情唔好咁怕丑”

而且佢拍吻戏有同老婆视频直播

誓要守护“爱妻号”招牌

佢再澄清话

只係觉得陈星妤

装扮和动静似学生妹

冇其他意思啦

对于Kelly嘅“恶评”

洪永城就嗱嗱临反驳

话同Kelly嘅床戏係乌龙

而且场面会非常爆笑

玩游戏被Kelly击败

只係因为俾囡囡传染手足口病

大病七日、元气大伤

睇来佢又真系“女儿奴”一个

讲起呢次去北京拍戏

佢最唔舍得嘅

就係当时啱出世嘅囡囡

//////

洪永城亦表示

希望大家可以多啲关注

剧中值得留意嘅地方

希望剧集可以

靠剧情而不是花边新闻

得到观众嘅心

呢次佢饰演

搞怪嘅KOL亦都落足功夫

仲靠做呢行嘅friend

识咗好多专业术语

希望更贴近个角色

唔知大家钟唔钟意

呢个表面好吃懒做

其实有努力追梦嘅阿喱？

来源：可乐生活Color微信公众号

编辑：张子殷

审核：曾敏妍

签发：骆苹